Лӱмлӧ этнограф лӱмеш ончер почылтеш
Йошкар-Олаште лӱмлӧ этнограф лӱмеш ончер почылтеш. Эрла калыкле тоштерын тӱҥ корпусыштыжо «Тимофей Евсеев. Призвание» экспозиций почылтеш. Тудо марий этнограф, краевед, тоштер пашалан негызым пыштыше Тимофей Евсеевич Евсеевын 135 ияш лӱмгечыжлан пӧлеклалтеш. Икымше гана тушто Финляндийын калыкле тоштерже гыч Евсеевын погымо марий костюм- влакын фотосӱретышт, Российысе этнографий тоштер гыч шуэн вашлиялтше марий тӱр ончыкталтеш да моло верла гыч документал материал- влакым ужаш лиеш. Ончер тений 10-шо декабрь марте пашам ышта.
