Марий Йӱштӧ Кугыза «Чеверын, теле» фестивальыш кая
Марий Йӱштӧ Кугыза калыкле Йӱштӧ Кугыза- влакын «Чеверын, теле» фестивальышкышт ушна. Пайрем 19-ше да 20-шо февральыште «Ясна» этнокомплексыште эрта. Тиде чуваш Йӱштӧ Кугызан- Хель Мучин резиденцийже. Чувашийысе туризмым вияҥдыме шотышто Агентствын умылттарымыже почеш, Хель Мучи Российысе Йӱштӧ Кугыза- влак кокла гыч эн музыкальный коча. Тудо акрет годсо семӱзгар- влакым шокта да юзо тояже дене лумым да пораным тарвата. Тудын деке унала тыгак Мордовий гыч Якшамо Атя, Башкирий гыч Кыш Бабай, Удмуртий гыч Тол Бабай толыт.