Республикысе калыклан сар жапыште вуйыштым пыштыше родо-тукымыштын пӱрымашыштым рашемдаш полшат

             Республикысе калыклан сар жапыште вуйыштым пыштыше родо-тукымыштын пӱрымашыштым рашемдаш полшат. Рӱдӧ оласе Самырык- влакын полатышт «Салтакын пӱрымашыже» проектым шыҥдара. Тудо вуйым пыштыше, увер деч посна йомшо, сусырлан кӧра але пленыште илыш дене чеверласыше военнослужащий- влакын сар пӱрымашыштым кычалаш, рашемдаш полшышаш. Проектым ямдылыше- влак тидымат ешарат: южгунам фронт гыч пӧртылшӧ воин- влак нергенат увер погына. Тиде- наградной лист, боевой корно да моло уверат лиеш. Родо тукымын пӱрымашыжым рашемдаш шонышо еҥ- влак анкетым возен, тудым Самырык- влак полатын фойештыже стенд воктене вераҥдыме яшлыкыш пыштен кертыт. Вара нине анкетым «Воскресение» кычалше отрядын боецше- влаклан пуат.