Шернурышто «Сталинградын шокшо лумжо» ончер почылтеш
Республикысе калык Сталинград кредалмаш нерген выставкым ончен кертеш. Икымше февральыште Шернурысо Александр Конаков лӱмеш тоштер-ончер-комплексыште «Сталинградын шокшо лумжо» ончер почылтеш. Планшет экспозицийым москосо Сеҥымаш тоштерын фодшо гыч ойыртемалтше материал негызеш ыштыме. Мийыше- влак 200 кече да йӱд жапыште Сталинградын тушман дене кузе кучедалмыже нерген пален налыт, 70 утла цифроватлыме фотосӱретым, листовкым, газетым, документым ужыт. Шернурысо тоштерлан мультимедий проектым Сеҥымаш тоштерын тӱҥалтышыже почеш ямдылыме «Сеҥымаш кумдык» Тӱнямбал проектым шыҥдарыме кышкарыште пуымо. Ончер 28-ше февраль марте пашам ышта.