«ИВолга» фестиваль тений кузе эрта?

                Кодшо кечылаште Россий Президентын Юл кундем округышто полномочный представительжын алмаштышыже Олег Машковцев Самара областьыште округысо самырык- влакын «Иволга-2022» лӱмгече фестивальлан ямдылалтме йодыш дене совещанийым эртарен. Участник- влак округысо ик эн кугу мероприятийым эртарыме концепцийым да тӱҥ йӧн- влакым каҥашеныт. Темыже «Этнокультурный многообразий» маналтеш да увертарыме Тӱвыра поянлык идалык дене келшен толеш. Форум гибрид формат дене: лагерь йӧн да онлайн-ушнымаш семын эртышаш. Кызытеш тудым эртарыме кече семын 21-ше гыч 29-ше июль марте жапым палемдыме. Молгунамсе семынак тудо Самара областьысе Мастрюков ер воктене погына.