Марий Элын единоросшо- влак вич ий ыштыме пашаштым иктешленыт
Эртыше кугарнян Марий Элын единоросшо- влак вич ий ыштыме пашаштым иктешленыт да верысе пӧлкан вуйлатыше органжам сайленыт. «Единый Россий» партийын марий пӧлкажын 30-шо конференцийже эртен. Форумын пашаштыже республикысе район ден олала гыч делегат- влак лийыныт. Погынышо- влак ончылно партийын высший Советшын еҥже, Марий Эл правительстве деч сенатор Константин Косачёв ойлен. Марий Элым вуйлатышын лӱмжӧ дене правительство председательын икымше алмаштышыже Александр Сальников саламлен. Конференцийын икымше ужашыже отчётлан пӧлеклалтын да вич йыште ыштыме тӱҥ паша- влакым радамлен лекме. Погынымашын кокымшо ужашыштыже верысе пӧлкам вуйлатыше органым сайлыме. Секретарьлан Евгений Кузьминым сайлыме. Тыгак 45 еҥан политсоветым, тудын президиумжым да контроль комиссийжым ойырымо.
