Пачерым шукырак чоҥымо

           Марий Элыште ик ийыште илыме верым шукырак ыштен шуктымо. Оксам ойырымо чыла источникым шотыш налын, кодшо ийын январь гыч декабрь марте ныл тӱжемат 576 пачерым чоҥымо. Нунын тӱшка кумдыкышт 372 тӱжем квадрат метр лийын. 2020-шо ий дене таҥастарымаште кумдык 0 тичмашат 6 луаш процентлан ешаралтын. Республикысе калык шке окса да кредит кӱшеш тӱжемат 260 пӧртым але 173 тӱжем квадрат метр илыме верым чоҥен. Тидыже 2020-шо ий деч 28 утла процентлан шукырак. Республике мучко пашаш колтымо илыме вер гыч калыкын чоҥымыжо 46 утла процент лийын. Сад-пакчалан ойырымо мланде кумдыкышто 869 квадарт метр кумдыкан  шым илыме пӧртым чоҥымо. Посна пӧрт- влакымат шотыш налын, чоҥымо пачерын кокла кумдыкшо кодшо ийын 81 квадрат метрым эртен. 2020-шо ийыште 67 утла квадрат метр лийын. Эртыше ийын шуко пачеран пӧрт- влакым Йошкар-Ола округышто, Звенигово, Медведево, Советский районлаште чоҥалтын. Моло районлаште посна оза- влак гына шкаланышт пӧртым нӧлтеныт.