Экспресс-тестым налаш оксам ешарен ойырымо

               Марий Элым вуйлатыше коронавирус инфекцийым вашке рашемдашлан экспресс-тестым налаш лу миллион теҥгем ойырен. Александр Евстифеев тидын шотышто лӱмын распоряженийым пеҥгыдемден. Шийвундо коронавирус инфекцийын шарлымыжым иземдаш, шижтараш да профилактике пашам эртараш колталтеш. Тиде радамыштак экспресс-тест налалтшаш. Республикым вуйлатыше палемден: шке жапыштыже диагностикым ыштымаш черланыше- влакым вашкерак пален налаш, лӱдыкшым иземдаш да шарлымым чараш йӧным ышта.