Оласе оранжерейыште йошкар тулым чӱктеныт

             «Город» МУП-ын теплицылаштыже йошкар тулым чӱктеныт. Теплице озанлыкын пашаеҥже- влак оласе клумбылаш луктын шындышаш пеледыш-влакым куштат: виолым, бегонийым да пеларгонийым. Февральыште петунийым ӱдаш тӱҥалыт. Тений ола мучко 17 тӱрлӧ пеледышым вераҥдаш шонат. Нунын кокла гыч кокытшо- немезий ден биденсше у урлык улыт. Клумбым сӧрастарымаштат уым пурташ шонат. Чавайн бульварысе ик йыраҥыштыже этнический сыным пуртат гын, Сеҥымаш бульварыште десантник- влак аллей воктене клумба ош-канде тӱсан лиеш. Кызыт кушкылым куд пашаеҥ ончен кушта. Вара нунылан полшаш техникумлан студентышт толыт. Тений гыч ӱдымӧ верлаште у волгыдым- йошкар тулым кучылташ тӱҥалыныт. Тидыже озым ынже шуйно да ынже черлане манын ышталтеш.
                  Фото: МариМедиа.