Советский посёлкысо урем- влак сылнештыт
Тений Советский посёлкышто шым уремым олмыктат. Тиде- Советский, Котовский, Мир, Механизатор, Степан Разин, Ломоносов, Северный урем- влак. Тӱшка кужытышт ныл меҥгым эрта. «Качестван лӱдыкшыдымӧ корно» калыкле проектлан кӧра тымарте посёлкын 8 уремжым норматив марте шуктымо. Корно проект кышкарыште тӱҥ шотышто, рӱдӧ оласе уремлам олмыктат. Йошкар-Ола агломерацийыште кок уремым капитально олмыкташ палемдыме. Тиде- Оршанке посёлкышто Пограничный да Советский посёлкышто Северный уремлам. Йӱдвел уремысе олмыктышаш ужашыже кугу огыл гынат, посёлкылан социально кӱлешанлан шотлалтеш. Тушто самырык да шуко шочшан еш-влаклан илыме верым чоҥаш мландым ойырымо. Программын ыштыме 6 ий жапыште Советский посёлкышто тичмаш налмаште 28 урем ден изуремым олмыкташ палемдыме.