Волжскысо патриотизм шӱлышеш шуарыме рӱдерлан у оборудованийым пӧлекленыт
Волжскысо патриотизм шӱлышеш шуарыме рӱдерлан 250 теҥгелан оборудованийым пӧлекленыт. У оборудованийым «Калыкым патриотизм шӱлышеш шуарымаш да самырык- влакым призыв марте ямдылымаш» республикысе программе кышакрыште налме. Нунын коклаште пневматик винтовко, автоматын макетше, мат, ноутбук, бокслан мешак, принтер ден сканер да молат улыт. Рӱдерым вуйлатыше Андрей Котляков тыге каласен: Республикын правительствыжлан, спорт-туризм министерствылан материальный базым пеҥгыдемдаш полшен шогымыштлан, кычалше толкынын мероприятийлашкыже, экспедицийлашке лектын кошташ транспортым ойырымыштлан кугу таум каласена. Ушештарена: патриотизм шӱлышеш шуарыме рӱдерым 2007-ше ийыште ыштыме. Кызыт тудо Волжск олаште военно-патриот корно дене пашам ыштыме эн кугу площадкыш савырнен.