Волжск оласе йоча сымыктыш школ конкурсышто моштымашыжым чаплын ончыктен

              Волжск оласе йоча сымыктыш школ Россий кӱкшытан конкурсышто онлайн-формат дене моштымашыжым чаплын ончыктен. Тиде тӧнеж шке паша корныжым 1958-ше ийыште тӱҥалын. Тунам нотный грамотым, фортепиано, баян, скрипка дене шоктымо мастарлыклан тунемаш кумылан 45 еҥ погынен. Кызыт фортепиано, струнный, калык, духовой семӱзгар, фольклор, эстрада окестрын семӱзгарже, хор дене мурымо 100 процент программе шыҥдаралтеш. Кажне ийын тунемше да туныктышо- влак шке тыршыме пашашт дене ончыл верыштым пеҥгыдемден толыт. «Российысе эн сай сымыктыш школ- влак» конкурсышто шкем ончыктымаш ончыкылан эшат сай корным почын. Волжскысо школ конкурсыш ушнышо- влак кокла гыч вич эн сай тӧнеж радамыш пурен.

                 Фото: "Волжская правда".