«Теҥыз шинча» але вара шинчажым петыра?

                   Республикысе палыме да йӧратыме «Теҥыз шинча»- Мӱшыл ер пыташ тӱҥалын. Социал вотлаште ерысе вӱдын пучымыжо нерген тургыжландарыше увер писын шарлен. Игече левештыме дене ер ӱмбалсе ий пудырген сӱмырлен да ӧрыктарыше сӱрет рашемын. Вӱдшо каен да ий йымалне яра вер улмаш. Эколог- влак шукертсек ер куашемме нерген ойлат. Вӱд шокшо да кукшо 2010-шо ий годсек шагалемаш тӱҥалын да ончычсо наре погынен ок шукто. Ынде шошо вӱдшорлан гына ӱшан кодеш.