Йошкар-Ола гыч аэропорт марте автобус коштмо радам

             Йошкар-Ола аэропорт марте да мӧҥгешлат автобус Йошкар-Олан рӱдыжӧ гоч эрта. «Марий Элыште авиаций» группышто «Йошкар-Ола» Автовокзал» - «Аэропорт посёлко» 111-ше К номеран маршрут дене автобусым колтымо нерген калыкын йодмашыжлан транспорт министерстве официальный вашмутым пуэн. Документ дене келшышын автобус рӱдӧ ола покшеч эрта. Тыгай схемым палемдыме: Аэропортыш кайышыла автобус Карл Либкнехт, Ленин проспект, Советский, Водопроводный, Оршанке шоссе уремла гоч эрта да «Вятке» корныш лектеш. Вокзалыш толмыжо годым Оршанке шоссе, Серов, Комсомол, Водопроводный, Советский да Яналов уремла дене эрта. Чарналтыш- влакымат рашемдыме. Аэропортыш кайыме годым Юбилейный площадь, Университет, Чавайн бульвар, Чарла Кремль, Толстой, Оршанке шоссе уремла, Дорожный, Сенькан, Аэрофолтовец сад-пакча остановкылаште чарна. Мӧҥгеш толмыжо годым Аэрофолтовец сад, Пӱнчерсола, Дорожный, Толстой урем, Чарла Кремль, Чавайн бульвар, Университет, Юбилейный площадь воктене чарналтышым ышта.