Пенсионер- влак 8,6 процент марте индексироватлыме пенсийым тачысе кече гыч налаш тӱҥалыт

             Пенсионер- влак 8,6 процент марте индексироватлыме пенсийым тачысе кече гыч налаш тӱҥалыт. Пашам ыштыдыме пенсионер- влак индексироватлыме оксам ончычсо график почешак кумшо февраль гыч налыт. Февральлан пенсий дене пырля нуно январьлан 5,9% гыч 8,6% процент марте индексироватлен шуктымо оксамат кидыш кучат. Чыла окса автоматически толеш, Пенсий фондыш коштмо ок кӱл. Пашам ыштыдыме 30 миллионат 800 тӱжем пенсионерын страховой пенсийыштым 8,6 процентлан индексироватлыме. Тидыже 2021-ше ийысе инфляций деч кугурак. Инфляцийже Россстатын ончыктымыжо почеш 8,4 процент лийын. Икымше январь гыч пенсийым 5,9 процентлан кӱзыктымӧ ыле, а икымше февраль гыч тудым эше кугемдыме. Тыге пашам ыштыдыме пенсионер- влакын пенсийышт кокла шот дене тӱжемат пеле теҥгелан ешаралтын да кокла кугытшо 18 тӱжемат 984 теҥгеш шуын. Но кажне пенсионерын ешартышыже пенсийжын кугытшо деч шога. Республикыште пашам ыштыдыме 150 тӱжем пенсионерын пенсийжым индексироватлыме.