Азарт модмашым ямдылыше- влакым мут кучаш шогалтыме

               Закондымын азарт дене модмашым ямдылыше- влак шотышто уголовный пашам шымлен пытарыме. Республикысе следствий виктем Чуваш республике гыч 42 ияш пӧръеҥ шотышто уголовный пашам ончен пытарен. Следствийын ончыктымыжо почеш пошкудо республике гыч ныл пӧръеҥ да Йошкар-Ола гыч ик ӱдырамаш модмо клубым ыштеныт. Тидлан нуно Йошкар-Олаште кум вере пӧлемым айленыт. Тушто нуно компьютер технике, интернет полышмо дене 2019-ше ий май гыч 2020-шо ий ноябрь марте азарт дене модмашым эртареныт. Осал пашам МВД пашаеҥ- влак пален налыныт да чарен шогалтеныт. Кум пӧръеҥ да ӱдырамаш шотышто уголовный пашам 2021-ше ийыште шымлыме. Кумытшым эрык деч посна условно кодымо, иктыжым ик ият пелылан пеҥгыде режиман колонийыш колташ да 247 тӱжем теҥге штрафым тӱлыкташ ыштыме. Тиде пашалан титаклыме ик еҥ следствий деч шылын да тудым кычалмашке увертарыме. Тений январьыште кучымо.