«Самырык профессионал- влак» регион кӱкшытан 10-шо виш чемпионат лиеш

                Марий Элыште 14-ше гыч 18-ше февраль марте «Самырык профессионал- влак» регион кӱкшытан 10-шо виш чемпионат эрта. А тудын почеш 24-ше гыч 26-шо февраль марте регион кӱкшытан «Навыки мудрых» чемпионат лиеш. Туныктыш министерствын увертарымыже почеш, таҥасымаш- влак шым профессионал блоклан шеледыме компетенций- влак дене эртат. Тиде- чоҥымаш, увер да коммуникаций технологий, производство ден инженер технологий, полыш сфера, транспорт ден логистике, усталык да дизайн, туныктыш. 14 гыч 16 ияш марте юниор- влак вич компетенций дене, 50 ий деч кугурак ийготан професисонал- влак кум компетенций дене таҥасат. Чылаже таҥасымашке 360 конкурсант ушна. Нунын коклаште 37-ше юниор улыт, 16-шо опытан пашазе- влак. Чемпионат вишлан шотлатеш. Сандене тушко Мордовий, Калуга область да Краснояр край гычат таҥасыше- влак толаш лийыныт.