Оласе урем корнын вич ужашыжым олмыкташ подрядчик- влакым ойырен налме процедура тӱналын

                Йошкар-Олаште оласе урем корнын вич ужашыжым олмыкташ подрядчик- влакым ойырен налме процедура тӱналын. «Качестван лӱдыкшыдымӧ корно» калыкле проект рӱдӧ олаштына 2019-ше ий годсек илышыш шыҥдаралтеш. Тудын полшымо дене чапле транспорт инфраструктура ышталтеш, корно шартыш норматив марте шукталтеш, ДТП утларак лийме вер- влак шагалемыт. Эртыше ийын Вараксин кӱварым капитально олымктымо, Водороводный, Советский, Эшкинин, Панфилов уремлан ужашыштым ачалыме. Кугу магистраль уремыште паша умбакыже шуйна. Республикым вуйлатыше Александр Евстифеев темпым иземдыде олмыктымо пашам ончылгоч шукташ задачым шынден. Кызыт 2023-шо ийлан объект- влак шотышто контрактым пеҥгыдемдыме конкурс паша- влак эртаралтыт. Тидын годым ола администраций ден траснпорт министерстве графикым вашталтен, чыла олмыктымо пашам тений шукташ манын тыршаш тӱналыт. Олмыктымо паша Успенский, Волков, Строитель, Вашский, Анциферов уремлан ужашыштыже шукталтшаш.