Марий ечызе- влак нылымше верыш лектыныт

             Ече дене Марий Элын сборный командыже Юл кундем федерал округын первенствыштыже нылымше верым сеҥен налын. Марий ечызе- влак 597 утла очком погеныт. Кодшо рушарнян Кирово-Чепецкыште Юл кундем округын чемпионатшын пытартыш кечыже лийын. Пӧръеҥ- влак коклаште 15 меҥгыш таҥасымаште Владислав Балуев нылымше верыш лектын. Станислав Егоров визымше лийын, Дмитрий Чекулаев 8-ше толын. Ӱдырамаш-влак коклаште 10 меҥге кужытыш таҥасымаште Ирина Соловьёва 9-ше толын. Марий ечызе- влакын тыгай лектышышт командылан кокымшо верым налаш йӧным пуэн. Тиддеч ик кече ончыч Марий Элын пӧръеҥ- влак командыже 25 ийлан икымше гана эстафетыште ший медальым налын. Тичмаш налмаште Марий Элын командыже уда огыл лектышым ончыктен да командный зачётышто нылымше верыш лектын.
             Фото: "Марийская правда".