Марий Эл гыч изи рвезылан тӱняште эн шерге эм дене уколым ыштат
Марий Эл гыч изи рвезылан тӱняште эн шерге эм дене уколым ыштат. Республикысе СМИ-ште Йошкар-Ола гыч изи Богдан Алексеев нерген ятыр возымо ыле. Тудлан СМА- Спинальная мышечная атрофия диагнозым шындыме. Тымарте тудо кум федерал рӱдерыште кок консилиумым эртен. Тудын лектышыже почеш рвезылан Золгенсма препаратым темлыме. Ушештарена: тиде эмын акше- 150 миллион утла теҥгем шога. Тиде кечылаште тудын ешыже «Порылык оҥго» поро кумыл фонд гыч документым налын. Тушто возымо: йочалан эмым пуаш йодмашым сайлан шотлымо. Ынде эмлыме верыш пыштыме кечым вучат. Тушто Богданлан шукертсек вучымо уколым шындат.