Республикысе социал льгото- влакым индексироватлыме

           Александр Евстифеев региональный льготник- влаклан республикысе икмыняр социал выплатым 25 процентлан индексироватлен. Вашталтыш пашан ветеранже, тылыште тыршыше, реабилитироватлыме, инвалид икшыван пашам ыштыдыме ача-ава-влакым тӱка. Тиддеч посна реабилитироватлыме да тылыште тыршыше- влаклан эмлан да топливылан окса компенсаций индексироватлалтеш. Социал вияҥмаш министр Марина Островская палемден: южо социал полыш 2013-шо ий годсек индексироватлалтын огыл, а калык вуча. Республикым  вуйлатыше тудым контрольыш налын да кӱштымыжӧ почеш шотлен лукмо да индексацийым ыштыме. Индексироватлыме радамыш кугыжаныш награде дене палемдалтше-влаклан транспорт дене коштмо льготыштат пура. Александр Евстифеев йодышым Кугыжаныш Погынын депутатше- влак дене ончен лекташ да соцвыплатым 25 процентлан  кӱзыктымӧ шотышто вашталтышым икымше февраль гыч шыҥдараш кӱлеш манын.