Марий университетын ординатуро дене у программыже – влак
Марий университетын ординатуро дене у программыже – влак. Тений гыч Марий университетыште кӱшыл квалификациян кадрым ординатурын у программыже дене ямдылаш тӱҥалыт. Тиде- Акушество ден гинекологий, анестезиологий-реаниматологий, психиатрий, терапий, онкологий, травматологий ден ортопедий, тазалыкаралтышым виктарымаш, фармацийын виктарымаш ден экономикыже, тыгак рентгенологий ден гериатрий программе- влак улыт. Ямдылымашын тӱҥ задачыже- врачлан шкевуя пашам ышташ да профессионал кӱкшытым нӧлталаш кӱлеш наре шинчымашым да практикым пеҥгыдемдымаш. Ординатурышто тунемаш врач- влакым конкурс почеш ойырен налыт. Тушто кок ий тунемман. Вара экзамен ден зачётым сдатлыман да практикым эртыман. Тиде республикысе тазалыкаралтышлан кугу да кӱлешан ошкыл. Тудо кадрым ситараш полшышаш.