Ава ден икшывыже- влак калыкле вургемым ончыктен кертыт

            Ава ден икшывыже- влак калыкле вургемым ончыктен кертыт. Тӱвыра министерствын пресс-службыжын увертарымже почеш «Калыкле вургемым чийыше ава ден икшывыже- влак» Тӱнямбал фотоконкурсыш йодмашым налаш тӱҥалме. Конкурсыш ушнашлан йодмашым 25-ше август марте пуаш лиеш. 15-ше сентябрьыште официальный сайтыште 200 финалистым да 50 сеҥышым увертарат. Конкурсым иктешлымаш да наградым кучыктымаш Москошто октябрь тылзын «Ӱдырамашын кидше дене» тӱнямбал фестивальын площадкыштыже торжественный церемонийыште лийшаш. Конкурсыш ушнымо йӧн дене рашырак конкурсын официальный сайтыштыже палыме лияш лиеш: этно-фото.ком.
             Фото: "Йошкар-Ола" газет.