Марий Эл кок миллион долларлан сатум йот элыш колтен
Марий Эл сатум йот элыш колтымо дене январьыште кок миллион долларым ыштен налын. Республикына «АПК продукцийым экспортыш колтымаш» регионысо проектым чолган илышыш шыҥдара. Тений тудым кок миллион долларлан колтымо. Тидыже кодшо ийысе тыгаяк жап дене таҥастарымаште 189 процент лийын, але тенийлан палемдымын 13 утла процентше. Йот эллаш тӱҥ шотышто ямде кочкыш сату кая- тӱшка кугытын 82 процентше. АПК-н моло продукцийже- 10 процент, ӱйда коя сату- 5 процент, пырче- 2 утла процент. Сатум тӱнясе 12 элыш колталтеш,- увертара ял озанлык министерстве. Тыгак таможня ушемыш пурышо эл- влак улыт: Италий, Израиль, Германий, Польша да Сербий. Тӱҥ внешнеэкономический партнёр- влак- Узбекистан, Италий да Таджикистан улыт. Нунылан экспортын 60 процентше логалеш.