Республикысе калык газетым мӧҥгыштӧ налаш утларак кумылан
Республикысе калык прессым- газет ден журналым мӧҥгышкӧ конден пуымым утларак келшыше йӧнлан шотлат. Российын почтыжо нуным эн тора яллашкат намиен пуа. Ятыр ий дене тудо савыктышым намиен кодышо тӱҥ тӧнежлан шотлалтеш. 90 процент наре калык подпискым мӧҥгышкӧ намиен пуашлан возыкта, молыжо почто пӧлкаште налаш кумылан. Кызыт Марий Элысе тӱжем еҥлан 80 экземпляр савыктыш логалеш. 58 наре процент республикысе да районласе савыктышым налаш йӧрата, 42 процентше- рӱдӧ газет дене журналлам лудеш. Шукырак каык подписке кампаний жапыште возалтеш. Молан манаш гын, тиде жапыште 30 процентлан шулдынрак возалташ лиеш. Адакшым газет ден журналым ик тылзылан, икмыняр тылзылан, пел ийлан, талуклан возыкташ йӧн уло.