Таче- Дипломатический пашаеҥын кечыже

                Таче Российысе йотэл паша министерствын пашаеҥже- влак шке профессионал пайремыштым- Дипломатический пашаеҥын кечыжым палемдат. Касвел эл- влакын тӱнямбал кылым луштараш тыршымыштым ончыде, Российын Йотэл паша министерствыже Российын Президентше Владимир Путинын  Российлан вияҥаш лӱдыкшыдымӧ йӧным, кугу социал да экономик задачым виктарыме, калыкын илышыжым саемдыме, тӱнямбал кӱкшытыштӧ элнан вержым пеҥгыдемдымашке виктарыме внешний политикым шыҥдарымаште тырша,- увертара МИД-ын Йошкар-Оласе представительствыже. Марий Элын Тӱнямбал пашаже икмыняр корно дене палемдалтеш. Марий Элыш Беларусь Республикын Посольствыжын Озаҥысе пӧлкажын, Туркменистан ден Узбекистанын Озаҥыште генеральный консульствыжын, Российыште Финляндийын посольствыжын дипломатше- влак толын каеныт, республикым вуйлатыше дене вашлийыныт, тӱнямбал мероприятийлаште участвоватленыт. Озаҥыште Китайын Генаральный консульствыжо вашкылым вияҥдаш ӱшан аралалт кодеш. Республикысе предприятий- влак тӱнямбал ончер-ярминга мероприятийлашке ушнат, гуманитар аланыште кыл вияҥеш, внешний торговля изи огыл верым налеш. Тӱнямбал кылым ыштымаш Россий МИД-ын Йошкар-Оласе представительствыже гоч шукталтеш.