Республикыштына эн сай муниципал служащийым ойырат

                 Республикыштына эн сай муниципал служащийым ойырат. Марий Элысе эл кӧргӧ политике, верысе самоуправленийым вияҥдымаш да юстиций министерстве 21-ше апрельын пайремлыме Верысе смаоуправленийын кечыже вашеш муниципал служащий-влак коклаште эн сай пашаеҥ лӱм верч конкурсым эртара. Конкурс икмыняр номинаций дене лиеш. Тиде: ола округын, муниципал районын эн сай пашаеҥже, илемын эн сай муниципал служащийже. Кум йыжыҥ дене таҥасат. 15-ше март марте документым погат, 30-шо март марте тудым шымлат, 15-ше апрель марте иктешлымашым ыштат. Кандидат- влак комиссийыш документ пакет деч посна верысе самоуправлений теме дене сочиненийым але эссем пуышаш улыт. Чыла йодышым 45-08-05 телефон дене рашемдаш лиеш.