Кугунур школышто у пищеблок лиеш
Оршанке районысо Кугунур ялыште кыдалаш школын у пищеблокшым чоҥат. 2015-ше ийыште школ деке ешарен спортзалым чоҥымо, 2016-шо ийыште спорт площадке- влакым ыштыме, у тунемме ий гыч у пищеблок пашам ышташ тӱҥалеш. Кугунур школыш Марий Эл Правительстве председательын икымше алмаштышыже Михаил Васютин ден туныктыш министр Лариса Ревуцкая миеныт. Чоҥашлан шийвундым республикын бюджетыштыже 2021-ше 2022-шо ий- влаклан палемдыме. Объектыште паша сай лектыш дене шукталтеш. Кызыт кӧргӧ отделке пашам ыштат.