Марий Элын тӱвыра министерствыштыже марий юмынйӱла ушемын еҥже- влак дене вашлиймаш эртен

                 Марий Элын тӱвыра министерствыштыже марий юмынйӱла ушемын еҥже- влак дене вашлиймаш эртен. Тӱвыра министр Константин Иванов Марий Юмын йӱла рӱдӧ организацийым вуйлатыше Александр Бирюков дене пашаче вашлиймашым эртарен. Министр палемден: юмынйӱла организацийлан калыкле  тӱвыра пӧртыштӧ пӧлемым ойырымо. Тудо тений пашам ышташ тӱҥалеш. Тиддеч посна тений идалык мучашлан статья- влак сборник савыкталтшаш да марий юмын йӱла нерген теле да радиопрограмме- влакым ыштыме паша умбакыже шуйна. Марий юмынйӱла организацийым вуйлатыше Александр Бирюков Министерствылан  калыклан шӱм-чон арулык нерген шинчымашым шарыме да вияҥдыме пашаште  сай лектыш дене пырля тыршымылан тауштен ойлен да тений шуктышаш паша план нерген каласкален.
                 Тувыра министерствын фотожо.