Колым устан кучышо- влак пошкудо кундемыште илат

Колым устан кучышо- влак пошкудо кундемыште илат
             Блесна дене колым кучымо дене Козьмодемьянскын кубокшо верч 34 колызо кучедалын. Кодшо шуматкечын Чыкма олаште икымше гана блесна дене колым кучымо шотышто таҥасымашым эртарыме. Олан кубкышкыжо Йошкар-Ола, Чебоксар да Козьмодемьянск гыч 34 колызо ушнен. Таҥасымаш Юл эҥерыште ола кундемыште эртен. Колызо- влак коклаште тӱналше колызо да спорт разрядан колызо- влакат лийыныт. Таҥасымашын лектышыже почеш пӱтынь чап пьедесталым Чуваший гыч толшо- влак айленыт. Кубокым ныл килоат пеле колым кучышо Игорь Васильев налын, ныл килоат 100 утла грамм колым кучышо Александр Судюков кокымшо лийын, кум килоат 900 утла грамм кол дене Марат Вафин кумшо верыш лектын. А Марий Эл гыч эн шуко колым Козьмодемьянск гыч Юрий Кондаков кучен. Тудо кумшо верым налше деч 40 граммлан гына шагалрак кучен. Тидымат палемдат: утларакше блеснашке олаҥге логалын.
             Фото: "Марийская правда".

Прошлые выпуски