Йошкар-Ола ден Медведево кокласе кундемым тӱзландараш тӱҥалыт
Йошкар-Ола ден Медведево кокласе каныме кумдыкым тений мартыште чоҥаш тӱҥалыт. Тудо Черняков урем мучко шуйна. Чоҥымашын икымше йыжыҥжым шукташ подрядчикым конкурс почеш ойырен налмаш тӱналын. Йодмашым икымше март марте пуаш лиеш. Вара чоҥымо паша тӱҥалеш да 2023-шо ийын июнь марте мучашлалтшаш. Тиде вер 15 гектар наре кумдыкым айла. Контрактын акше 319 миллион утла теҥге. Тушто спорт да йоча площадке, кок метр кумдыкан велокорно лийшаш. Корныштыжо автобус чарныме вер, корнывожышто йолешке вончемым ыштат. Козьмодемьянск трактыште автобус чарналтыш кусаралтеш да посна чарныме вер, павильон лийшаш.