Ялысе калык илыме верым чоҥаш социал оксам налын кертеш
Республикыштына ялысе калык илыме верым чоҥаш социал оксам налын кертеш. Тений республикыштына ял калыкын илышыжым саемдаш виктаралтше «Ял кундемлам комплексно вияҥдымаш» кугыжаныш программе умбакыже шыҥдаралтеш. Социал оксам пуымо нерген свидетельстве- влакым ялысе чоҥышо- влаклан кучыкташ муниципал район администрацийлашке колтымо. Тений социал оксан кокла кугытшо ик миллионат 200 тӱжем теҥгеш шуэш. Программышке агропромышленный комплексыште, кресаньык (фермер) озанлыклаште тыршыше, ветеринар пашаеҥ, социал сферын, чодыра озанлык органиазцийлан еҥышт ушнен кертыт. Оксам налаш шонышо еҥ ялыште илышаш да пашам ыштышаш, илыме вержым саемдаш кӱлешанлан шотлымо лийшаш да ял кундемыште пӧртым чоҥышаш. Оксан кугытшо ешыште мыняр еҥ улмо деч шога. Шуко шочшан- влак утларак праван улыт. Программыш ушнашлан да документым ямдылаш йодмаш дене муниципал район администарцийыш йодмаш дене лекман. Ял озанлык министерствын телефонжо- 41-45-38.
