Таче эрдене «Кокшайск-Красногорск» корнышто шучко ДТП лийын
Таче эрдене «Кокшайск-Красногорск» автомобиль корнын 18-ше меҥгыштыже шучко ДТП лийын. Тергыме почеш, легковой автомобиль ваштареш корныш кудал лектын да грузовик дене ваш тӱкнен. Чот эмганымылан кӧра ВАЗ-21-12 машинан водительже да пассажирже верыштак коленыт, эше кок пассажиржым эмлыме верыш наҥгайыме. Верыште кугыжаныш автоинспекцийын да экстренный службылан специалистышт пашам ыштеныт.