Республикыштына коронавирус инфекций дене сӱрет тӧрланаш тӱҥалын
Республикыштына коронавирус инфекций дене сӱрет тӧрланаш тӱҥалын,- увертара тазалыкаралтыш министерстве. Мутлан, шымше февральлан республикысе поликлиникылаште икымше приёмыш 9 тӱжемат 147 еҥ миен, мӧҥгышто тӱжемат 600 утла еҥым ончымо гын, 14-ше февральыште икымше приёмыш тӱжемат 600 утла еҥ миен, мӧҥгыштӧ 782 еҥым тергыме. Кандаш инфекций стационарыште тӱжемат 75 койко уло. Тудын 72 прцентшым айлыме. Кызыт 771 пациент эмлымаште улеш. Нунын кокла гыч 93 еҥже нелын черланышылан шотлалтеш, 14 еҥ ИВЛдене пайдалана, 322 еҥ кислород полышым налеш. Черланыше йоча- влакат шагалемыт. Суткаште поликлиникыш 320 йоча миен, мӧҥгышто 122 икшымвым ончымо. Республикысе йоча эмлыме верын рнфекций пӧлкаштыже 31 йоча эмлалтеш. Коронавирус дене черланыше- влакын чотышт шагалемеш гынат, омикрон штамм дене чераныше- влак шукын улыт,- ойла тазалыкаралтыш министрын алмаштышыже Татьяна Бастракова. Сандене маскым чийыман, кидым обрабатыватлыман да калык шуко погыныман верлашке коштман огыл,- шижтарат врач- влак.
