Автомобиль окна гыч шӱк-куштырам луктын кудалтымылан кугу штрафым тӱлыктат

               Автомобиль окна гыч шӱк-куштырам луктын кудалтымылан лу тӱжем теҥге да утларакат штрафым тӱлыктен кертыт. Кугыжаныш Думышто тидын шотышто законопроектым сайлан шотленыт. Нарушитель- влакым камере да фотоловушко полшымо дене рашемдаш тӱҥалыт. Тыглай водитель- влаклан штрафым 10 гыч 15 тӱжем теҥге марте, амалкалче- влаклан 20 гыч 30 тӱжем теҥге марте, юридический лица- влаклан 30 гыч 50 тӱжем теҥге марте луктын пыштыман. Идалык мучко водитель уэш кучалтеш гын, кок пачаш шукырак штрафым тӱла. Ситуацийым шотыш налын, южгунам транспортымат поген налын кертыт. Грузовой машина, трактор да прицеп- влаклан штраф эшеат кугурак лиеш: еҥ- влак 50 тӱжем теҥге марте, амалкалче шамыч- 80, юрлица- влак 120 тӱжем теҥге марте тӱлат.
                Фото: МариМедиа.