Тений Оршанке районыштат модельный книгагудо почылтшаш

            Тений Оршанке районыштат у тукым модельный книгагудо почылтшаш. Тудым ышташ Тӱвыра» калыкле проект полша. Тидын нерген тӱвыра министр Константин Иванов районысо тӱвыра тӧнеж- влакын пашаштым иктешлымылан пӧлеклалтше совещанийыште ойлен. Министр ушештарен: калыкле проект кышкарыште 2020-шо ийыште Кугунур ден Марково тӱвыра пӧрт- влакым капитально олмыктымо. Районысо тӱвыра пӧлкам вуйлатыше Елена Токареван мутшо почеш, Марий Эл Правительствын окса полышыжлан кӧра ялласе тӱвыра пӧртлаште косметик олмыктымашым ыштыме, Яков Павлович Майоров-Шкетан лӱмеш рӱдӧ книгагудын зданийжым олмыктымо, Тоштер-пӧртын газ котельныйжым уэмдыме. «Тӱвыра кумдык» регионысо проектыш ушнымашат кугу событий лийын. Тудын кышкарыште шуко функциян куснылшо тӱвыра рӱдерым- автоклубым налме. Тӱвыра министр Константин Иванов вашлиймашым иктешлышыла тӱвыра пашаеҥ- влаклан тауштен да самырык- влакым тӱвыра пашалан тунемаш пураш кумылаҥдаш, «Пушкин карте» программе деке утларак ушаш темлен.
             Фото: Тувыра министерстве.