Кугыжаныш автоинспекцийын пашаеҥже- влак школ автобусыштак умылтарымашым эртарат
Волжский районышто кугыжаныш автоинспекцийын пашаеҥже- влак школ автобуслаште пассажир- влак дене мутланат, корно лӱдыкшыдымылык нерген экспресс-курслам эртарат. Районышто ятыр ӱдыр-рвезе лишыл ялла гыч тунемме вер марте школ автобус дене кудалыштеш, мӧҥгешлат тыгак каят. Тиде корно йоча- влаклан лӱдыкшыдымӧ лийже манын, «Волжский» полиций пӧлкан корно инспекторжо Елена Вахромова корнышто шкем кузе кучымо нерген экспресс-курс-влакым эртара. Тудо ушештарен: корнышто йоча- влак кажныже шке верыштыже шинчышаш, лӱдыкшыдымылык ӱштым ӱшталшаш, кычкыркалышаш, йӱкланышаш, водительын тӱткышыжым иземдышаш огыл. Шинчыме вер гыч мучаш марте, автобус чарнымешке кынелаш ок йӧрӧ. Водитель- влакланат тӱткӧ лияш, скоростьым кугемдаш, лӱдыкшӧ манёврым ышташ огыл манын ойлымо. А корныш лекме деч ончыч автобусын технический состянийжым обязательно тергыман манын каласыме.