Полпредын алмаштышыже калыклан приёмым эртарымыже годым Марий Элыште илыше еҥ деч пурышо йодышланат вашмутым пуэн
![Полпредын алмаштышыже калыклан приёмым эртарымыже годым Марий Элыште илыше еҥ деч пурышо йодышланат вашмутым пуэн](/upload/iblock/dfe/n0d880t6v3xaf2qj6fcpfe000dtxste1.jpg)
Юл кундем округышто Россий Президентын полномочный представительжын алмаштышыже Игорь Паньшин Угарман олаште калыклан приёмым эртарымыже годым Марий Эл, Татарстан, Угарман областьыште илыше еҥ-влак деч пурышо йодышланат вашмутым пуэн. Мероприятийыште исполнительный кучем органын да верысе самоуправленийын еҥышт да тӱҥ федерал инспектор- влак лийыныт. Марий Эл гыч ӱдырамаш кугыжанышым вуйлатышын приёмныйышкыжо Морко районышто Волаксола гыч Зеленогорск посёлко марте корно ужашым олмыкташ полшаш йодмашым колтен. Полпредын алмаштышыжлан увертарыме: 2021-ше ийын калыкле проект кышкарыште Ургаш-Роҥго-Морко корнын 11 меҥге кужыт ужашыжым олмыктымо. Тений тиде корнын вес ужашыштыже пашам шукташ тӱҥалыт. Тиддын дене пырля шошым Зеленогорск посёлко мартеат корно полотном тергыме годым корнысо ситыдымаш- влакым рашемдат да шошо-кеҥежым олмыкташ тӱналыт. Игорь Паньшин республикысе правительствылан корнышто кошташ йӧным да лӱдыкшыдымылыкым ышташ, а федерал инспекторлан пашам контрольыш налаш кӱштен.
Фото: Юл кундем округышто Россий Президентын полпредшын официальный сайтше гыч.
Фото: Юл кундем округышто Россий Президентын полпредшын официальный сайтше гыч.