Руш йылме дене иктешлыше вашмутланымашым индешымше классыште тунемше кок процент наре еҥ сдатлен огыл
![Руш йылме дене иктешлыше вашмутланымашым индешымше классыште тунемше кок процент наре еҥ сдатлен огыл](/upload/iblock/132/riu1olwslq0jg0pln0dbpfyxvememkzr.jpg)
Марий Элыште руш йылме дене иктешлыше вашмутланымашым индешымше классыште тунемше кок процент наре еҥ сдатлен огыл. Вес семын каласаш гын, руш йылме дене иктешлыше вашмутланымашым 98 процентат пеле ӱдыр-рвезе сайын сдатлен да «зачётым» налын. Тудо 9-ше февральыште эртен. Тушко 225 школ гыч индешымше классыште тунемше куд тӱжемат 579 еҥ ушнен. Выпускник- влак ныл заданийым шуктеныт. «Незачётым» налше да кӱлешан амал дене собеседованийыш миен кертдыме- влаклан ешартыш жапым палемдыме: 9-ше март ден 16-шо майым.