Императорский Россий нерген ончер почылтын

             Чавайн лӱмеш книгагудышто императорский Россий нерген ончер почылтын. Экспозиций Российым официально империй семын  увертарымылан 300 ий теммылан пӧлеклалтын. Ятыр историкын шонымыжо почеш, тиде- сарлаште сеҥыме, у кундем- влакым ушымылан кӧра лийын. Тыге Россий Европышто кугу да куатан  элыш савырнен. Исторически тыгай статусым кугу кумдыкан, тӱлӧ калык илыман эн виян тӱнямбал державе- влак гына налыт. Айдемын илыме курымышто икмыняр империй гына лийын. Россий нунын кокла гыч ик эн кугу да влиянийжым ончыктен кертше улеш. Кугу ончерыш шӱдӧ утла книга ден публикаций пурен. Нуно Пӱтынь Российысе император- влак нерген - Пётр Великий гыч тӱҥалын Николай второй марте каласкалат.. Проектым Романовмыт ешын еҥже- влакын портретыштым ончыктышо галерей пойдара.
              Фото: Чавайн лумеш книгагудо, "МариМедиа".