ГИБДД трассыште перныл коштшо еҥ- влак нерген увертараш йодеш

                    ГИБДД трассыште перныл коштшо еҥ- влак нерген увертараш йодеш. Республикыштына йолешке- влакым тӱкен кудламаш ешарлтын. Статистике куандарыше огыл. 2021-ше ийыште ДТП-ште 30 йолешке ӱмыр лугыч лийын. Тидыже ДТП-ште колышо- влак кокла гыч кажне кумшо еҥже. Тений гына йолешке- влак дене 25 случайым регистрироватлыме. Тидын годым 5 еҥ илыш дене чеверласен, 21 еҥ эмганен. Колышо кокла гыч иктыже йӱшӧ вуя корнышто улмаш. Орава йымак логалмын ик амалже- ял- влак коклаште кугорно дене йӱшӧ вуя коштмаш. Нунын кокла гыч иктыжынат пычкемыш годым машина тулым мӧҥгеш волгалтарыше элементше лийын огыл. Сандене азап ынже лий манын, Кугыжаныш автоинспекцийын пашаеҥже- влак машина корнышто коштшо еҥ- влак нерген дежурный частьыш увертараш йодыт. Телефонжо: 68-09-70. Чыла увер почеш вашке гына кӱлешан мера ышталтеш.