Ял кундемлам комплексно вияҥдыме шотышто 49 проектым шыҥдараш палемдыме

             Республикыштына ял кундемлам комплексно вияҥдыме шотышто 49 проектым шыҥдараш палемдыме. «Ял кундемлам комплексно вияҥдымаш» Российысе кугыжаныш программе кышкарыште ял кундемлам тӱзландарыме паша чолган шукталтеш. 2021-ше ийыште яллам тӱзаташ, йоча да спорт площадкылам, каныме верлам ышташ, тулым пурташ, корным олмыкташ, шӱк-куштырам погымо площадкылам ямдылаш  субсидийым 61 илем налын. Тенийлан 49 тыгай проектым шыҥдараш палемдыме. Эн ончыч субсидийым Медведево районысо Кузнецово ял илем налын. Тудо Кузнецово селаште энергийым аныклыме технологийым кучылтын уремым волгалтарымаш проектым шыҥдарен.