Кодшо ийын аграрий- влак кок миллиард теҥгелан техникым налыныт
Кодшо ийын Марий Элысе аграрий- влак кок миллиард теҥгелан техникым налыныт. 2021-ше ийыште ял озанлык предприятий- влак 899 единице техникым конденыт. Тидлан кок миллирад утла теҥгем кучылтмо. Тидыже 2020-шо ийысе деч 118 процент лиеш. Ял озанлык пашаеҥ- влак 112 тракторым, шурным погышо 27 комбайным, кормам погышо 11 комбайным, вич косилкым, 26 грузовой машинам, мландым обрабатыватлыше 76 машинам, 13 сеялкым, ӱдышӧ 7 комплексым, кормам ямдылыше 38 техникым, вольык озанлыклан 95 оборудованийым налыныт. Льготан лизинг полшымо дене 82, льготан кредитлан 138, «1432 программе» почеш 60 единице технике толын. Теният ял озанлык министерстве кызытсе жаплан келшыше оборудований ден техникым производствыш шыҥдарыме пашам умбакыже шуя.