Икымше гыч 15-ше февраль марте «Инцидент Менеджмент» системе калыкын 575 обращенийжым регистрироватлен
Февральын икымше пелыштыже Республикысе калык социал вотышто тӱрлӧ йодыш нерген 500 утла уверым коден. Икымше гыч 15-ше февраль марте «Инцидент Менеджмент» системе калыкын 575 обращенийжым регистрироватлен. Тидыже январьысе тыгаяк жап деч 201-лан шукырак. Эн шуко йодышым Йошкар-Олан, Волжск ден Козьмодемьянск олалан администрацийышкышт виктарыме. Министерстве- влак коклаште эн шуко йодышым тазалыкаралтыш ден транспорт да корно озанлык министерстве налыныт. Февральыште утларакше корно ден кудывечылам лум да ий деч эрыктыме, поликлиникылаште калыкым приниматлыме дене кылдалтше йодыш- влак лийыныт. ЦУР-ын специалистше- влак чыла йодышым лончылен, решенийым лукташ да вашмутым пуаш профилян ведомствылашке колтеныт.