Йошкар-Олаште талукын туныктышыжым ойырымо

           Йошкар-Олаште талукын туныктышыжым ойырен налме. 21-ше номеран школышто «Талукын туныктышыжо-2022» Россий конкурсын муниципал йыжыҥжым торжественно мучашлымаш эртен. Конкурс тергымаш- влак почеш саҥыше рашемын. «Талукын туныктышыжо» лӱмым оласе 31-ше кыдалаш школышто англичан йылмым туныктышо Марина Степанова сеҥен налын. Пайремыште тыгак туныктымо пашам виктарымаште сеҥымашлан да уэмдымылан, туныктымо ден шуарыме пашам ушен толмылан туныктышо- влакым палемдыме да саламлыме.
            Фото: Йошкар-Оласе туныктыш виктем, "МариМедиа".