Келымаш пӧрт чолган чоҥалтеш
«Водоканал» МУП Калык- влакын келшымаш пӧртышт деке канализаций сетьым пыштен. Келымаш пӧрт чолган чоҥалтеш. Тиддеч ончыч Республикым вуйлатыше Александр Евстифеев палемден ыле: Марий Элыште калык да конфессий коклаште толерантный кыл вияҥын. Сандене Келшымаш пӧрт кӱлешан да тудым чоҥымо йодыш федерал кӱкшытыштат кумдан каҥашалтын. Тидын шотышто решенийым элнан премьер- министрже пеҥгыдемден. Контракт почеш объектым 2023-шо ийын майыште ыштен шуктышаш улыт. Но федерал тӱвыра министерстве 2023-шо ийлан палемдыме оксам 2022-шо ийыш кусараш келшен. Сандене Келшымаш пӧртым тений ыштен шукташ тыршат. «Водоканал» муниципал предприятий ойпидыш почеш шуктышаш мероприятий кышкарыште 44 метр кужытан канализаций сетьым чоҥен. Пашам кӱчык жапыште шуктымо. А вӱд пучым Келшымаш пӧрт деке кеҥежым пышташ палемдыме.