Самырык патыр тайский бокс дене округын чемпионжо лийын
Марий Эл гыч Никита Чернов тайский бокс дене Юл кундем округын чемпионатыштыже чемпион лийын. Челябинскыште тайский бокс дене кодшо кечылаште Урал да Юл кундем округлан Чемпионатышт ден Первенствышт эртен. Олимпий резерв спорт школышто шуаралтше Никита Чернов Чемпионатыште сеҥышыш лектын да Российын чемпионатышкыже логалын. Тиде икымше сеҥымашыже гына огыл. Тудо Российын кубкыштыжо сеҥыше, кок гана Российын чемпионжо, Тӱнян первенствыштыже кок гана, Российын Первенствыштыже кум гана сеҥыше улеш.
