Таче- Тӱвыра пашаеҥ- влакын пайремышт

                     Таче тӱвыра пашаеҥ- влак шке профессионал кечыштым палемдат. Нуным тиде пайрем дене Республикым вуйлатыше Александр Евстифеев саламла. Тӱвыра алан моткоч кумда. Курымаш поянлыкым аралышыла, шӱм-чон куатым пойдарышыла тудо ончычсо да кызытсым ушен шога, айдемлан личность семын кушкаш йӧным пуа, илышнам волгыдым, оҥайым ышта. Театр сымыктыш Элыштынат, йот эллаштат кӱкшын аклалтеш. Марий балет республикын визит карточкыже улеш. Лӱмлӧ сӱретче- влакын ончерыштым, тоштер экспозиций- влакым республикысе калык да уна-влак йӧратен ончат. Тидыже отрасльын усталык куатше улмым, тӱвыра пашаеҥ- влакын талантышт нерген ойла. Театр, тоштер, книгагудо, ончер зал, тӱвыра пӧрт- влак увер технологий курымыштат кӱлешан улыт. Пандемий жапыштат калык тӱвыра ден сымыктышын могай рольым модмыштым сайын шижыныт. Марий Эл Правительстве чыла муниципалитетынат тӱвыра илышыж деке кугу тӱткышым ойыра. «Тӱвыра» калыкле проектлан кӧра ятыр пайдале вашталтыш ышталтеш. Чылалан сеҥымашым, поро кумылым, калыкын аклымыжым тыланем. Умбакыжат шке усталыкда дене куандарен шогыза.- ойлалтеш республикым вуйлатышын саламлымашыштыже. Тыгаяк поро тыланымашым Марий Эл Кугыжаныш Погыным вуйлатыше Анатолий Смирноват колтен.