«Гараж амнистий» нерген законопроектым пеҥгыдемдыме

                  «Гараж амнистий» нерген законопроектым кумшо лудмаште пеҥгыдемдыме. Кугыжаныш Дума кумшо лудмаште «Калыкын гараж да тудын верланыме мланде участкылан правам налме йодышым виктарен колташ манын Россий Федерацийын икмыняр законодательный актыш вашталтышым пуртымо нерген» законым пеҥгыдемден. Кугыжаныш Думын председательже Вячеслав Володинын мутшо почеш, закон почеш вич ий жапыште 2026-шо ий 1-ше сентябрь марте граждан- влакын гаражышт верланыме мландым шке погышкышт яра налын кертыт. Тиде тӧрлымаш элысе кум миллионат пеле еҥым тӱка. Володин тидымат рашемден: Тиде 2004-ше ий 30-шо декабрь марте Градостроительный кодексын вийым налмыже марте чоҥымо гараж- влак, эн ончыч совет жапыште чоҥымо гараж- влак нерген ойлалтеш. «Гараж амнистий» дене гараж озан икшывышт але икымше оза деч гаражым налше- влакат пайдаланен кертыт. Тыгай объект- влак шотышто мланде участкым куштылгынрак оформитлаш лиеш.
Фото:  autoclub99.ru