Кызытсе жапысе тимуровец- влак

                     Советский районысо школышто тунемше- влак илалше еҥ-шамычлан лумым эрыкташ полшат. Ӧрша тӱҥ школышто тунемше- влакым кызытсе жапысе тимуровец манаш лиеш. Нуно пошкудо ялласе шоҥгыеҥ- влаклан тӱрлӧ полышым пуаш кумылаҥыныт. Эртыше каныш кечын нуно туныктымо пашан ветеранже Вера Шуматовна Сандаковалан кудывечым лум деч эрыкташ полшеныт. Тудо Кӧрдемучаш ялыште ила. А ик арня ончыч шке класс вуйлатышышт дене пырля пенсионер Лидия Николаевна Бусыгинан пӧртшӧ йыр лумым эрыктеныт. Тений лум шуко возын. Тудо кудывечыштат, уремыштат, скверлаштат ситыше. Сандене кугурак класслаште тунемше- влак «Обелиск» акцийыш ушненыт. Тыге Ӧрша ялысе Сеҥымаш скверыште вуйым пыштыше салтак- влаклан шогалтыме чапкӱ воктелым эрыктеныт.
Фото:  grodnonews.by